2022 yil 15 oktyabrgacha Toshkent – Boku – Toshkent yo`nalishi bo`yicha aviachiptalarni xarid qilishda amaldagi jadval bo`yicha aviaqatnovlar uchun yuk tashish me`yori oshiriladi. Bu haqda Uzbekistan Airways matbuot xizmati xabar bermoqda.
Ma`lum qilinishicha, yo`lovchilarga yanada qulaylik yaratish maqsadida faqat ekonom-klass uchun bagaj miqdori hech qanday qo`shimcha to`lovsiz oshiriladi.
Guruh bo`lib olingan tarifda, shuningdek, biznes-klass tariflarida yuk tashish me`yorlari o`zgarishsiz qolmoqda.
