Ijtimoiy tarmoqlarda Namanganda YPX xodimlari mast haydovchining ustidan kulishgani aks etgan video tarqaldi.
Viloyat IIB tomonidan holat yuzasidan rasmiy munosabat bildirildi.
Ta`kidlanishicha, 2022 yil 29 iyul kuni To`raqo`rg`on tumaniga xizmatga jalb etilgan Namangan viloyati IIB JXX YHXB 2-safarbar guruhi inspektorlari soat 10:00 lar chamasida "VAZ-2106" rusumli avtomashinani to`xtatib tekshirganda, haydovchi spirtli ichimlik ta`sirida avtomashina boshqarib kelayotganligi aniqlangan. Avtomashinani vaqtinchalik jarima maydoniga joylashtirilib, tegishli tartibda ma`muriy bayonnoma rasmiylashtirilgan.
Videotasvirda aks etgan xodimlarning fuqaro oldidagi xatti-harakatlari yuzasidan xizmat tekshiruvi tayinlanganligi ma`lum qilindi.
