Adliya vaziriga o`rinbosar tayinlandi. Bu haqda vazirlik Jamoatchilik bilan aloqalar bo`limi xabar berdi.
Ta`kidlanishicha, Muxammadiev Aktam Zayniddinovich Prezident qaroriga muvofiq adliya vazirining o`rinbosari etib tayinlandi.
Ma`lum qilinishicha, A. Muxammadiev 1977 yilda Qashqadaryo viloyatining Kitob tumanida tug`ilgan, ma`lumoti oliy, 1999 yilda Toshkent davlat yuridik instituti bakalavriat, 2001 yilda magistratura bosqichini tamomlagan, mutaxassisligi huquqshunos.
A. Muxammadiev o`z mehnat faoliyatini 2001 yilda O`zbekiston Respublikasi Adliya vazirligining etakchi maslahatchisi lavozimidan boshlab, vazirlikning turli mas`ul lavozimlarida ishlagan.
2017 yildan bugungi kunga qadar Toshkent viloyat adliya boshqarmasi boshlig`i lavozimida faoliyat yuritgani aytiladi.
