Avval xabar berganimizdek, O`zbekiston Respublikasi Prezidenti Shavkat Mirziyoev Rossiya Federasiyasi Prezidenti Vladimir Putinning taklifiga binoan 19 noyabr kuni tashrif bilan Rossiyaga boradi.
Tashrif doirasida ikki mamlakat etakchilari Moskva shahrida muzokara o`tkazadilar, O`zbekiston-Rossiya strategik sheriklik va ittifoqchilik munosabatlarini yanada rivojlantirishning dolzarb masalalarini muhokama qiladilar. Qator ikki tomonlama hujjatlar imzolanishi ham ko`zda tutilgan. Bu haqda Prezident Matbuot xizmati ma`lum qildi.
Tashrif arafasida Moskvada O`zbekiston va Rossiya ikkinchi Ta`lim forumi va navbatdagi Hududlararo hamkorlik forumining qo`shma tadbirlari o`tkazilmoqda.
