"O`zgidromet"ning ma`lum qilishicha, 17 noyabr 6:00 da Toshkent shahrida iflos qor yog`gan. 10:30 da qor qatlami 12 smni tashkil etdi. Qor tarkibini aniqlash uchun namunalar olinganda ifloslangan qor qatlamlari (qizg`ish loy rangi) kuzatilgan.
ta`kidlanishicha, ifloslangan qor yog`ishiga 4 noyabrda Qozog`iston janubida va 16 noyabrda Buxoro viloyatida kuzatilgan qum bo`ronlari sabab bo`lgan. Agar Toshkentda 14 noyabrda yog`inlar yog`ib havo tozalangan bo`lsa, Buxoro viloyatida esa yog`inlar bo`lmagan. 17 noyabrda respublikaning butun hududiga shamolning tezlashishi va ba`zi joylarda qumli bo`ron bilan sovuq nam havo massasi kirib kelgan. Shamol tezligidan ko`tarilgan chang masofaga ko`chib, tuproq va qum rangini bo`yab, Toshkent shahriga cho`kgan.
Atmosfera havosi tahlil natijalari ko`rsatkichlari, qorning kislotalilik darajasi 9,6 ni tashkil etgan. U odatda havoda 7 bo`ladi. Elektr o`tkazuvchanlik 73,2 ni tashkil etgan, bu anionlar va kationlarning uncha katta bo`lmagan konsentrasiyasidan dalolat bo`ladi va inson salomatligiga ziyon etkazmaydi, - deya ta`kidlangan rasmiy bayonotda.
Yog`inlar yog`ishi natijasida havoni tozalanishi sodir bo`lgani aytilmoqda.
