O`zbekiston Gidrometeorologiya xizmati 2021 yil 17 noyabr soat 8:00 dan 18 noyabr soat 8:00 gacha "Chimyon" tog` zonasining dengiz sathidan 2000 m balandlik qismida qor ko`chish xavfi yuzaga kelgani haqida shoshilinch xabar e`lon qildi.
Eslatib o`tamiz, ayni paytda O`zbekistonning qator viloyatlarida qor yog`moqda. “Qamchiq” dovonida yuzaga kelgan vaziyat sabab yo`lidagi qorni tozalashga 121 ta texnika va 350 ga yaqin ishchi jalb etildi. Sal avval Farg`ona IIB ham fuqarolardan noqulay ob-havo sabab ko`chaga chiqmasliklarini so`ragan edi.
