Giyohvandlik vositalarining yurtimiz hududida noqonuniy aylanuviga qarshi bojxona organlari tomonidan keskin kurash olib borilmoqda.
Xususan, “Chuqursoy texnik idora” temir yo`l chegara bojxona posti xodimlari tomonidan qo`shni davlat hududidan kirib kelgan poezd tarkibi ko`zdan kechirildi.
Tekshiruv davomida poezd g`ildiraklari ramasining yon ichki qismida qora rangli selofan paketga solingan va oq rangli paketga o`ralgan noma`lum modda borligi aniqlandi.
O`tkazilgan tekshiruvlarda mazkur moddalar 156,25 gramm og`irlikdagi "marixuana" giyohvandlik vositasi ekanligi ma`lum bo`ldi.
Hozirda mazkur holat yuzasidan surishtiruv harakatlari olib borilmoqda.
