Qashqadaryolik tadbirkor Muzaffar Hamzaev viloyat innovasion rivojlanish boshqarmasi mutaxassislari bilan hamkorlikda Nishon tumanida chigirtkadan parhezbop un tayyorlash loyihasini ishlab chiqdi.
Ma`lum qilinishicha, qishloq xo`jalik o`simliklarining eng xavfli kushandasini tarkibida oqsil miqdori ko`p bo`lgani bois butun dunyoda chigirtka uniga talab juda yuqori ekan.
Loyiha qiymati 4,1 mlrd. so`m bo`lib, yillik quvvati 80 tonna chigirtka uni ishlab chiqarishga mo`ljallangan va har kilosi 3,7 AQSh dollardan sotiladi. Shuningdek, 10 ta yangi ish o`rni yaratish imkoniyati paydo bo`ladi. Ayni paytda chigirtka unini eksportga chiqarish uchun tadbirkor M. Hamzaevning “Merry-Cricket” mas`uliyati cheklangan jamiyati va Saudiya Arabistonidagi hamkorlar o`rtasida shartnoma imzolangan.
— Bu loyiha mazkur hujjat ijrosi doirasida amalga oshirilmoqda. Yana bir foydali jihati shundaki, chigirtkani dalalardan yig`ib olish uchun aholi vakillari jalb qilinadi. Maxsus to`r qoplarda hasharotlarni yig`ib topshirgani uchun ularga tegishli miqdorda haq to`lanadi. Buyam aholi bandligini ta`minlashda muhim ahamiyat kasb etadi. Chigirtka uni ishlab chiqarish hajmini ko`paytirish maqsadida chigirtkalar chatishtiriladi va qayta ishlash uchun maxsus etishtiriladi, - deydi tadbirkor.
