Prezident Shavkat Mirziyoev Istanbul yaqinidagi Demokratiya va erkinlik orolida o`tayotgan Turkiy kengash sammitidagi nutqida Afg`onistondagi vaziyatga ham to`xtaldi:
"Afg`onistondagi hozirgi murakkab vaziyat barchamizning e`tiborimiz markazida turibdi.
Ushbu mamlakatning gumanitar inqirozga tushib, xalqaro maydonda yakkalanib qolishiga, uning terrorchilar makoniǵa aylanishiga yo`l qo`ymaslik nihoyatda dolzarbdir.
Afg`onistonning yangi Hukumati bilan muloqotlarda yondashuvlarimiz umumiy va yakdil bo`lishi lozim", - dedi Prezident Shavkat Mirziyoev.
