Португалиянинг “Порту” жамоаси бош мураббийи Хулен Лопетеги Мадриднинг “Реал” клуби мутасаддилари эътиборига тушди, деб хабар беради sports.uz нашри.
“Галактикос”нинг ҳозирги бош мураббийи Карло Анчелотти билан тузилган шартнома 2016 йил ўз ниҳоясига етади. Мадрид суперклуби эса клубга мураббий қидиришни ҳозирдан бошлаб юборди. Хулен Лопетегининг “Қаймоқранглилар” эътиборига тушишига сабаб, ЕЧЛда “Бавария” устидан ишончли ғалабага эришилганидир. Мазкур баҳсдан сўнг, унга қизиқиш жиддий равишда ортиб кетди.
Эслатиб ўтамиз, мазкур мутахассис олдин Испания ёшлар терма жамоасини Европа чемпионатига айлантирган. Бундан ташқари, у “Реал”нинг ўринбосарлар таркибига ҳам мураббийлик қилган.
