Милициянинг берган маълумотларига кўра, Бишкекнинг 12-микрорайонидаги квартираларнинг бирида икки кишининг жасади топилган. Бу ҳақда uz24.uz АКИpress агентлиги хабар беради.
Улардан бири 17 ёшли қизнинг жасади бўлиб, у нафас йўлларининг бўғилишидан вафот этгани тахмин қилинган. Эркак эса топилган вақтда ҳали тирик бўлган. Уни шифохонага олиб боришган, бироқ у ҳам вафот этган.
Милициянинг аниқлашича, эркак ўлдирилган қизнинг турмуш ўртоғи бўлиб, улар яқинда оила қуриши керак бўлган. Лекин ўртада юзага келган жанжал уларнинг ўлими билан тугаган. Эркак қизни бўғиб ўлдиргач, пичоқ билан ўзининг ҳам жонига қасд қилган.
Ҳозирда уларнинг шахси аниқланган ва қизнинг ўлдирилиши бўйича жиноят иши қўзғатилган. Милиция ходимлари ҳодиса тафсилотларини ўрганмоқда ва тергов ҳаракатларини олиб бормоқда.
