Вазн тоифасидан қатъий назар дунёнинг энг кучли боксчилари рейтинги карвонбошиси америкалик 38 ёшли Флойд Мейвезер профессионал фаолиятидаги сўнгги жангини шу йилнинг 12 сентябрь куни ўтказишини маълум қилди. Бу ҳақда olamsport.com маълумот бермоқда.
Бу билан Мейвезер Showtime телеканали билан имзоланган 6 та жанглик шартномасини амалда бажарган бўлади. Аввал хабар берганимиздек, Флойд 2 май куни филиппинлик 36 ёшли Мэнни Пакьяога қарши аср жангига қиёсланаётган жангда рингга кўтарилади.
