20 яшар қизни Туркия Республикасига фоҳишалик учун жўнатаётган аёл Тошкент халқаро аэропортида ушланди. Бу ҳақда “darakchi.uz”га Бош прокуратура Матбуот хизмати маълум қилди.
Департаментнинг Фарғона шаҳар бўлими томонидан вилоят ИИБ ходимлари билан ҳамкорликда ўтказилган тезкор тадбирда 1982 йилда туғилган фуқаро Н.Х. Туркия Республикасида яшовчи “Кадир” исмли таниши билан олдиндан тил бириктириб, 1999 йилда туғилган фуқаро Н.А. ни Туркия Республикасига фоҳишалик қилиши учун Тошкент халқаро аэропортида “Тошкент-Истанбул” авиа йўналиши орқали жўнатаётган вақтида ушланган.
Айни пайтда мазкур ҳолат юзасидан Н.Х.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
