Бу саволга соҳа мутасаддилари билан ўтган матбуот анжуманида Х.Сулаймонова номидаги Республика суд-экспертиза маркази директори Акрам Халилов шундай жавоб берди:
- Одам ДНКсини аниқлаш — энг талабгор экспертиза турларидан бири. Буни 2 хил асосда аниқлаш мумкин. Биринчиси, суд-тергов органлари томонидан тайинланганда, иккинчиси эса, фуқароларнинг ўзлари марказ билан тузилган шартнома асосида тўловни амалга ошириб, оталикни аниқлаш ёки қариндошликни белгилаш бўйича экспертиза хулосаларини олишлари мумкин.
Кейинги ўринда эса суд-қурилиш соҳасини мисол қилишимиз мумкин. Ҳозирги кунда республикамизнинг барча ҳудудларида янгиланишлар кетмоқда. Жойлардаги қурилишларни баҳолашга ҳам талаблар кучаймоқда.
Хозирги кунда автотранспорт воситалари кўпайиб, йўл автотранспорт ҳодисалари сони ҳам ошмоқда. Бунинг натижасида суд-автотехник экспертизага бўлган талаб кучайган.
СУД-ЭКСПЕРТИЗА СОҲАСИДАГИ КОРРУПЦИЯ. У ҚАНДАЙ БАРТАРАФ ЭТИЛАДИ?
- Ҳукумат қарорига асосан соҳани ахборот техника воситалари билан таъминлаш, моддий техника базани яхшилаш учун 3 млн. 326 минг АҚШ доллар маблағ ажратилди. Бу билан суд-экспертиза жараёнларига техника воситалари жалб қилинади, суд-тергов органлари билан ҳам контакт йўқолиб, инсон омилининг камайишини таъминлаш ҳисобига коррупцияга қарши курашишга эришиш мумкин ва бу дастур 2020 йил якунига тўлиқ ишлаб чиқилади.
Эслатиб ўтамиз, бироз аввал ДНК экспертизасини ўтказиш тадқиқотлари нархлари бўйича маълумот берган эдик.
