Россия президенти Владимир Путин ва унинг туркиялик ҳамкасби Ражаб Тоййиб Эрдўғон Суриянинг шимоли-ғарбий қисмида бўлаётган жангларни тўхтатиш бўйича келишувларга эришганликларини маълум қилишди. Ушбу сулҳ 5 март куни ярим тундан бошлаб кучга киради ва Идлибда жанглар тўхтатилади, дея хабар берилган пайшанба куни.
Путин ушбу битим тинч фуқароларнинг азоб чекишига барҳам бериши ва бу ҳудудда вужудга келган гуманитар инқирознинг янада ёмонлашувининг олдини олишга умид билдирди.
Шунингдек, битимда М4 автомагистрали бўйлаб 12 километрлик умумий хавфсизлик йўлагини барпо этиш кўзда тутилган. Мазкур линия 15 мартдан бошлаб Россия ва Туркия қўшинлари томонидан биргаликда назорат қилинади.
Путиннинг айтишича, у ва Эрдўған Москвада олти соатдан кўпроқ давом этган музокаралар чоғида қўшма ҳужжат бўйича ҳам келишувга эришишган.
