Саудия Арабистони ўз ҳудудида янги турдаги коронавирус тарқалишининг олдини олиш учун бир қатор чораларни жорий этди. Бу ҳақда чоршанба куни Қироллик Ташқи ишлар вазирлиги маълум қилди.
Хусусан, хукумат умра - кичик ҳаж сафарини бажариш учун зиёратчиларнинг мамлакатга киришини тўхтатиб туришга буйруқ берди.
Бундан ташқари, Саудия Арабистонининг «ваколатли соғлиқни сақлаш органлари мезонларига мувофиқ» коронавирус тарқалиши қайд этилган мамлакатлардан келган сайёҳлар қиролликка ташриф буюриш вақтинча тақиқланган.
