Сўнги маълумотларга кўра, Италяда кроранавирусни юқтириб олганлар 350 нафарга яқинлашган.
Хатто Том Круз бош ролни ижро этаётган «Уддалаб бўлмас топшириқ 7» фильмининг Италиядаги суратга олиш жараёни бу мамлакатда коронавирус авж олгандан кейин тўхтатилди, деб хабар берди АҚШ ОАВ душанба куни, дея ёзди Таржумон.
«Бизнинг жамоамиз хавфсизлиги ва саломатлигини ҳисобга олган ҳолда, шунингдек Венеция ҳукуматининг коронавирус таҳдидига қарши жамоат йиғилишларини тўхтатишга чақириқлари туфайли, биз уч ҳафталик суратга олиш режасини ўзгартирмоқдамиз», деди “Paramount Pictures” кинокомпанияси вакили ”The Wrap” нашрига берган интервьюсида.
Унинг қўшимча қилишича, актёр Том Круз Италияга сафар қилмаган ва киночилар жамоасига суратга олиш бошлангунга қадар уйга қайтишга рухсат берилган.
Италияда вируснинг тарқалиши ушбу фильмдан ташқари, Милан мода ҳафталигини ва Венеция карнавали каби нуфузли тадбирларнинг қолдирилишига сабаб бўлди.
24 февраль куни спорт вазири Винчензо Спадафора А Сериядаги олтита футбол ўйинлари мухлисларсиз ўтказилишини маълум қилди.
Маълумот учун, «Уддалаб бўлмас топшириқ 7» фильмининг премьераси 2021 йилнинг 23 июлида ўтказилиши режалаштирилган.
