Россияда самолётнинг ҳожатхонасидан катта миқдордаги пул топиб олган аёлга жиноят иши очилди. У пулларни яшириб, ўзлаштиришга уринган. Россия Транспорт полицияси Томск-Москва авиарейсининг мазкур йўловчисига нисбатан жиноий иш қўзғатди.
Россия Ички ишлар вазирлигининг хабар беришича, аёл умумий қиймати 1 миллион рубль бўлган доллар ва евродан иборат пакетни самолёт ҳожатхонасидан топиб, экипажга хабар бермай ўзлаштирмоқчи бўлган. Кўп ўтмай Германияга транзит билан тўй қилиш учун чет элга кетаётган парвоз йўловчилари ҳуқуқ-тартибот ходимларига ушбу пулни йўқотганликлари бўйича мурожаат қилишган, деб ёзади FlashSiberia.
Терговчилар унутилган пулларни ўғирлашда гумонланувчини аниқладилар. Гумонланувчи россяилик аёл ҳеч нарсани рад қилмай пулнинг тўлиқ миқдорини жабрланувчиларга қайтарган ва унга нисбатан жиноий иши қўзғатилган.
Эслатиб ўтамиз, бундан бир йил муқаддам 17 апрелда Шереметьево аэропортида ўзбекистонлик фаррош ходим топилган пул сумкасини ўзлаштириб, ўз ватанига, яъни Ўзбекистонга қочмоқчи бўлган эди. Кузатув камераларидан олинган видеоёзувларга кўра, у тозалаш пайтида 3,6 минг долларлик конвертни топиб олган ва аэропорт маъмуриятга хабар бермаган.
