Департаментнинг Яшнобод тумани бўлими томонидан чет эл инвесторларининг қонуний ҳуқуқ ва манфаатларини ҳимоя қилиш юзасидан терговга қадар текширув ўтказилди, дея хабар берди Бош прокуратура Матбуот хизмати.
Унда аниқланишича, “N-K” МЧЖ шаклидаги қўшма корхонаси мансабдор шахслари ва бошқалар, мулкий манфаат кўриш мақсадида ўзаро олдиндан тил бириктириб, “S.K.” хорижий корхонаси раҳбарининг номидан “N-K” МЧЖ таъсисчилари қаторидан чиқиши ҳақида аризасини сохталаштириб, қўшма корхонанинг навбатдан ташқари таъсисчилар йиғилиши баённомасига сохта маълумотларни киритишган.
Шунга кўра, “S.K.” хорижий корхонасининг “N-K” қўшма корхонасидаги 2 млрд. 460 млн. сўмлик улушини ўзлаштириш йўли билан талон-торож қилганликлари аниқланган.
Мазкур ҳолат юзасидан “N-K” МЧЖ шаклидаги қўшма корхонаси мансабдор шахслари ва бошқаларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
