Бош прокуратура томонидан фуқаро Т.Жамоловнинг уй-жой қуриш учун ер майдони ажратилишида амалий ёрдам беришни сўраб, Бош прокурор ўринбосарининг сайёр қабулида қилган мурожаати кўриб чиқилди.
Муаллиф ўз мурожаатида, отасини 4 сотихли ҳовлисида укасининг оиласи билан бирга яшаб келаётганлигини, ўзига турар-жой қуриш учун Шаҳрисабз тумани, Ҳисорак МФЙ, Яккахона қишлоғидаги тоғ ён бағрида жойлашган "Дашти Б" фермер хужалиги фойдаланувидаги ортиқча ер майдонини "E-ijro auksion" савдосига қўйилишида амалий ёрдам беришни сўраган.
Мурожаатни кўриб чиқишда, Яккахона қишлоғида ҳақиқатан ҳам аҳолига уй-жой қуриш учун қулай текис майдони мавжуд эмаслиги, аксарият турар-жойлар ҳам тоғ ён бағрида қурилганлиги маълум бўлди.
Прокуратура аралашуви билан Яккахона ҳудудидан уй-жой қуриш учун 0,40 га ер майдони "E-ijro auksion" савдосига қўйиш ҳақида туман ҳокимининг қарори қабул қилиниши таъминланди ва муаллифнинг мурожаати қаноатлантирилди.
Маълум қилинишича, бу борадаги ишлар давом этмоқда.
