Швеция қироллик фанлар академиясининг Нобель қўмитаси кимё бўйича 2019 йилги лауреатлар номини эълон қилди. Бу ҳақда Ntdtv.ru нашри хабар берди.
Шундай қилиб, америкалик Жон Гуденаф, Буюк британиялик Стенли Уиттингхем ва Япониялик Акира Йошинога литий-ион батареяларини ишлаб чиқарганликлари учун Нобель мукофоти билан тақдирланадиган бўлишди. Енгил, қайта қувватланувчи ва кучли бўлган литий-ион батареялари бугунги кунда кўплаб қурилмаларда ишлатилади.
Смартфонлар, планшетлар, кардиостумуляторлар ва электромобиллар шулар жумласидандир. Энди уч нафар ғолиб 9 миллион швед кронаси миқдоридаги мукофотни ўзаро бўлиб олишади. Мукофотни топшириш маросими анъанага кўра, 10 декабрь, Нобель мукофотлари асосчиси - швециялик тадбиркор ва ихтирочи Альфред Нобелнинг вафот этган кунида ўтказилади.
