Ташкилот ҳисоботида айтилишича, аввалги йиллар билан солиштирганда Ўрта Ер денгизини кесиб ўтмоқчи бўлганлар сони қисқарган. Бироқ шунга қарамасдан жорий йилда ҳам ҳалок бўлганлар сони минг нафардан ортиқни ташкил этган. Бу ҳақда Ntdtv.ru нашри хабар берди.
Бу расман рўйхатга олинган ўлим ҳолатлари билан боғлиқ вазиятлардир. Ливиялик муҳожирлар денгиз йўли орқали Италия ёки Мальтага боришга уринган чоғда ҳалокатга учрашган. Ўлим ҳолатларининг аксарияти денгизнинг ўртасида рўй берган. Жорий йилда Ўрта Ер денгизи орқали Европага 63 минг муҳожир келган. 2018 йилда бу кўрсаткич 140 мингдан ортиқни ташкил этган эди. Одатда муҳожирлар йўловчилар билан тўлиб тошган эски кемаларда ёки резина қайиқларда хавфли сафарга чиқишади. Бунинг натижасида эса аксарият вазиятлар фалокат билан якунланади. БМТ маълумотларига кўра, 2014 йилдан буён Ўрта Ер денгизида муҳожирлар билан боғлиқ 18 мингта ўлим ҳолати қайд этилган.
