9 сентябрь куни Наманган тумани тиббиёт бирлашмасининг туғруқ комплекси иккинчи қавати деразасидан икки чақалоқ улоқтирилгани, бу қилмиш чақалоқлардан бирининг онаси бўлган 23 ёшли Д.Х. исмли аёл томонидан содир этилгани ҳақида хабар бор.
Бош прокуратура ахборотида Д.Х. ўз чақалоғининг оёқлари нотекис (нуқсонли) туғилганидан аччиқланиб, уни деразадан улоқтиргани таъкидланган эди. Бу Д.Х.нинг учинчи ҳомиладорлиги эди — биринчиси тушиб қолган, иккинчисида эса ҳомила 37 ҳафталигида, кесарча кесиш йўли билан, ногиронлик билан туғилган.
"Қизингиз нега бундай қилди?", деган саволга Д.Х.нинг онаси: "Қизимнинг ичига шайтон кириб олган", деб жавоб берган. Қотил онанинг ўзи ҳам сайтларнинг бирига берган саволига тахминан шундай жавоб берган.
"Кўзимга нуқул шайтон кўринади. Менга у қизимни ўлдириш, уни деразадан улоқтириш ҳақида буйруқ берди. Энди эса менга нуқул ўзимни ўлдиришим кераклиги ҳақида гапирмоқда", — деб айтган Д.Х..
