Австралияча футбол ўзининг шиддаткор ҳаракатлари билан ажралиб туради, деб хабар бермоқда 120.su нашри.
Матч пайти 2 яшар қизалоқ Пиппа отаси Дэвид Биггснинг ўйин томошасига берилиб кетганидан унумли фойдаланиб, “копток кўтариб югураётган амакилар”га яхшироқ разм солиш учун майдонга чиқиб кетди.
Қизалоқ оёқ тагида қолиб кетиши мумкин эди, хайриятки, уни ўйинчилардан бири, “St Bernard’s” жамоаси аъзоси Алекс МакЛеод ўз вақтида пайқаб қолди. У қизчани шартта кўтарди-да, майдон четига олиб чиқди. Алекс томошабинлардан, хусусан, қизчанинг отасидан мақтов ва миннатдорлик қабул қилиб олди. Пиппа эса нима бўлганинга тушунмай, ўз ҳаракатларидан мамнун бўлди.
