Шимолий Каролинада жигар саратонининг оғир турига чалинган одам лотереяда ютган пулини даволаниш ўрнига саёҳатга сарфлади.
АҚШнинг Шимолий Каролина штати фуқароси лотереяга 250 минг доллар ютиб олган, дея хабар беради Inside Edition нашрига таяниб Daryo.uz.
Маълум бўлишича, лотореясига ютуқ чиққан, Ричард Биар хотинининг илтимосига кўра, лотерея чиптасини сотиб олади. Шу билан бирга у бир нечта тезкор лотерея билетларини сотиб олишга қарор қилади. Улардан бирининг ҳимоя қатламини очиши билан катта унга миқдордаги ютуқ чиқади.
Биар бу пулни сайёҳлик сафари учун сарфлашга қарор қилди.
«Яқинда менда жигар саратонининг тўртинчи босқичи аниқланди. Ҳозирча имконим бор экан, саёҳатга чиқиб, дунё айланмоқчиман», — дейди у. Унинг сўзларига кўра, рафиқаси ҳар доим Италияни кўришни орзу қилган ва энди улар бу ниятларини амалга ошириши мумкин.
Cancer Research UK хайрия ташкилотининг берган маълумотларига кўра, саратон касаллигининг тўртинчи босқичида беморлар тахминан тўрт ой умр кўради.
