Исландиядаги Фьядрарглуфюр дараси Жастин Бибернинг клипи намойиш этилганидан сўнг ёпилди, дея хабар бермоқда РИА Новости нашри.
Гап шундаки, ушбу дарада суратга олинган Жастин Бибернинг I'll Show You қўшиғи клипи оммавий равишда намойиш этилганидан сўнг бу маскан машҳур бўлиб кетди ва дарага жуда кўплаб туристлар ташриф буюра бошлаган. Натижада эса бу маскандаги кўплаб ўсимликлар топталган. Шунинг оқибатида Исландия атроф-муҳитни муҳофаза қилиш агентлиги дарани вақтинчалик ёпишга мажбур бўлди.
