Шу кунларда Walt Disney Picturesнинг “Оловуддин” номли саргузашт фильмининг трейлери намойиш этилди, дея маълум қилмоқда Кinonews.ru нашри.
Фильмни британиялик Гай Ричи суратга олган. Оилавий фэнтезининг сюжети 1992 йилги шу номдаги мультфильмга асосланган.
Тўлиқ метражли фильмда бош ролларни Уилл Смит, Билли Магнуссен, Наоми Скотт, Мена Массуд, Марван Кензари, Нозим Пэдрад, Навид Негабан ижро этишган.
“Оловуддин” ҳозирча 2019 йилнинг энг интиқиб кутилаётган фильмлар рўйхатининг саккизинчи ўрнида турибди.
Фильм май ойида катта экранларга чиқарилади.
