Британиянинг Маргит шаҳрида истиқомат қилувчи аёл икки фарзандни дунёга келтиргач, сочларидан бутунлай маҳрум бўлганини тан олди, дея хабар берди The Sun нашри.
Рима Тейсен (Rima Theisen)нинг айтишича, 2016 йили тўнғич фарзанди дунёга келгач, илк бор сочлари тўкила бошлаган. Тез орада бу ҳолат тўхтайди. Аммо 2017 йили қиз фарзанди дунёга келгач, аёлнинг аҳволи ёмонлашади. 2018 йилнинг август ойига келиб Риманинг сочлари бутунлай тўкилиб тушади.
Рима туғруқдан кейин соч тўкилиш ҳолати юз беришини, лекин бир неча ойдан сўнг бу ҳолат тугашини ўқийди.
Шундай бўлса-да, иккинчи фарзандини туққач, унинг сочлари шунчалик тез тўкиладики, ҳатто ўсишга улгурмайди. Тейсен терапевтга мурожаат қидади, бироқ шифокор бунга жиддий эътибор қаратмайди.
2018 йил май ойида аёл бошида қолган яккам-дуккам сочларини бутунлай қириб, соч толаларини саратондан азият чекаётган ўсмирларга ҳадя этишга қарор қилади. Аввалбошда Тейсен сочи йўқлигидан хавотирга тушади, ясама соч тақиб юради, лекин тез орада бу фикридан воз кечади. Эри ва яқинлари унга далда бўлишади.
2018 йилнинг июль ойида Рима стюардессалик ишига қайтади. Йўловчилар эса ундан кимётерапиядан ўтаётганлигини сўрашади. Тез орада унинг қошлари ва киприклари ҳам тўкилиб тушади. Ёз охирида эса танасидаги сўнгги тукдан ҳам асар қолмайди. Тейсен табиий кўриниш учун улама киприк тақиб юришга қарор қилади.
Шифокорларнинг тушунтиришича, бу алопеция ҳасталиги бўлиб, аксилиммунлар соч ҳужайраларини кемиради. Бундай хасталик билан оғриганларда соч қайта ўсиб чиқмайди.
