Президентимиз 2017 йил 22 июнь куни Фарғона вилоятига ташрифи чоғида Қўқон шаҳридаги Буюк алломалар музейида ҳам бўлган ва уни таъмирлашга доир кўрсатмалар берган эди. Шундан сўнг музейда кенг кўламли таъмир ишлари олиб борилди.
Ўтган вақт давомида вилоят ва шаҳар ҳокимликлари раҳбарлигида таъмир ишлари сифатли бажарилди. Маънан эскирган ашёлар йиғиштирилиб, музей замон талабларига жавоб берадиган ҳолга келтирилди. Музей заллари кенгайтирилиб, зарур техник воситалар билан жиҳозланди. Бино атрофи ободонлаштирилиб, том қисми янгидан ёпилди.
Музей илмий ходимлари шу кунларда экспонатларни бойитиш учун манбалар излаш билан банд, деб ёзмоқда ЎзА.
