VEON компанияси 2019 йилнинг биринчи мартидан бошлаб Beeline Ўзбекистон компаниясининг директори алмаштирилишини маълум қилди. Бу ҳақда ташкилот расмий баёнотида маълум қилинган.
Унга кўра, 1 мартдан бошлаб компаниянинг Ўзбекистондаги филиалини Сергей Афонин бошқариб боради.
Маълумот учун, Сергей Афонин VEON Group компаниясида 2016 йилдан бошлаб, Beeline Russiaʼнинг Жанубий минтақавий филиали директори лавозимида иш бошлаган. Олдинроқ у Россиядаги FMCG-компания директори лавозимида ишлаган.
Сергей Афонин бу лавозимга Beeline Uzbekistan компаниясини уч йил давомида бошқариб борган Дмитрий Шуков ўрнига тайинланади. У 2015 йилда бу лавозимни эгаллаганди.
“Сергей турли соҳаларда, жумладан телекоммуникация соҳасида ҳам улкан тажрибага эга. Биз унинг бошқарув қобилияти ва етакчилик хусусиятини, VEON даги уч йиллик фаолияти давомида ўзини кўрсат олганини юксак қадрлаймиз. Сергейнинг янги лавозимга ўтиши бизнинг Ўзбекистондаги позициямизни мустаҳкамланишига, шу билан бирга рақамли хизматлар соҳасининг ўсиши, корпоратив этикани мустаҳкамлаш ва бизнесдаги шаффофликни таъминлашга хизмат қилади деб ишонаман”, дея гапириб ўтган CEO Veon Group Урсула Бёрнс.
