Испания пойтахти Мадридда Португалиялик футболчи Криштиану Роналду устидан суд мажлиси бўлиб ўтди, деб хабар қилди Ren.tv нашри.
Роналду Испанияда, “Реал” сафида тўп сурганида 4 ҳолатда солиқларни тўлашдан қочган ва давлатга жами 14,7 млн. евро миқдорида зарар келтирган.
Суд жараёнида футболчи 2011 йилдан 2014 йилгача бўлган муддатда молиявий жиноятларга қўл урганини тан олди. Якуний ҳукмга кўра, Роналду 23 ойлик қамоқ жазосига ҳукм қилинган. Аммо Испания қонунчилигига кўра, бу муддат 2 йилдан кам бўлгани туфайли Роналду ушбу муддатни қамоқхонада ўтамайди.
