Япониянинг Кутиноэрабу оролида янги вулқон ўз ҳаракатини бошлади, деб хабар бермоқда ТАСС нашри.
Оролнинг жануби-ғарбида уйғонган вулқондан айни вақтда 6 км. баланликкача қора тутун ва лава отилиб чиқмоқда. Атрофга тарқаётган заҳарли кул эса орол табиати ва инсонлар саломатлиги учун хавфлидир. Ҳодиса туфайли ҳеч ким жароҳат олмаган. Ҳозирча эвакуация ҳолати жорий этилгани йўқ. Бироқ вулқон янада фаоллашса, аҳолини кўчиришга тўғри келиши мумкин.
