Қозоғистон Миллий Хавфсизлик қўмитаси (МХҚ) бугун баёнот бериб, 10 январь куни Олмаотада ҳужумлар уюштиришни режалаштирганликда гумон қилинган гуруҳ қўлга олинганини маълум қилди.
Матбуот хабарида гумондорларнинг фуқаролиги ва исмлари аниқланмаган. Бироқ қўлга олинганлар Қозоғистонда теракт уюштирмоқчи бўлган Марказий Осиё мамлакатлари фуқаролари экани айтилади. Матбуот хабари билан бирга қўлга олинган олти кишининг сурати ҳам эълон қилинган.
Гумондорлар вақтинча истиқомат қилиб турган жойдан катта қувватга эга бўлган қўлбола портловчи моддаларнинг компонентлари топилгани, шунингдек ўқотар қуроллар ва ўқ-дорилар қўлга туширилгани таъкидланади.
"Терговга кўра, қўлга олинганлар хорижда бўлган ДАИШ жангарилари раҳбарлиги ва топшириғи бўйича ҳаракат қилишган", - дейилади қўмита тарқатган хабарда.
Шунингдек, "Ислом Давлати" (ИД) экстремистик гуруҳининг номи ДАИШ сифатида кўрсатилган. Хабарларга кўра, портловчи моддалар ишлатилган ҳолда қуролли ҳужум Олмаотада фуқаролари тўпланиб турган жойда амалга оширилиши керак бўлган.
Ҳозирда тадбирлари давом этмоқда.
