Австрияда қалин қор ёғиши туфайли айрим аҳоли ҳудудлари ташқи дунёдан узилиб қолди, дея маълум қилмоқда Еuronews.com нашри.
Қор миқдори меъёридан икки баробар ошиб кетган. Тоғли жойларда қорнинг қалинлиги бир метрдан юқори. Аҳоли пунктларидан одамлар эвакуация қилинмоқда. Улар вақтинчалик бошпана билан таъминланган. Алп тоғларига яқин ҳудудларда эса фавқулодда ҳолат жорий қилинди. Альпинистлардан тоғли ҳудудни зудлик билан тарк этиши сўралди.
