АҚШнинг Amazon интернет компанияси дунёнинг энг қиммат компаниясига айланди, деб хабар қилмоқда Лайф нашри.
У бозордаги капиталлашув бўйича Microsoftни яна ортда қолдириб, рейтингда биринчиликни қўлга киритган. Amazon капиталлашуви акциялари нархи 3,4 фоизга кўтарилгач, 797 млрд. долларга етди. Microsoftнинг капиталлашуви эса 789 млрд. долларни ташкил қилмоқда. Ушбу рейтингда 3-ўринни Alphabet холдинг, 4-ўринни эса Apple эгаллаб турибди. Amazon раҳбари Жефф Безос эса дунёнинг энг бой одамлари рўйхатида етакчилик қилмоқда. Microsoft асосчиси Билл Гейтс ушбу рўйхатда 2-ўринда турибди.
