Миср пойтахти Қохира шаҳри чекасидаги черковда портлаш содир этилди, дея хабар берди Bbc.com нашри.
Маълумотларга кўра, бинога ичига 2 та портловчи қурилма солинган сумка ташланган. Бундан хабар топган полиция ҳудудга етиб келиб, сумкани кўздан кечираётганида бомба портлаган. Воқеа натижасида бир полициячи вафот этди яна 2 нафари жароҳат олган. Шунингдек, бир неча фуқаролар ҳам яралангани хабар қилинмоқда. Ҳозирча ҳеч бир террорчилик ташкилоти мазкур хунрезлик учун жавобгарликни ўз зиммасига олганича йўқ.
