Хитой ҳукумати бир неча қотиллик ва зўравонлик жиноятларини содир этган, 30 йил давомида жазодан четда қолган, ўлим жазосига маҳкум этилган жиноятчи Гао Чэнъюнни қатл этди, деб хабар берди РИА новости нашри.
Гао Чэнъюн 11 нафар аёлни ўлдиришда, зўравонликда, босқинчиликда айбланиб, олий жазо – ўлимга маҳкум этилган. 1988 йилдан 2002 йилга қадар Гансун провинциясининг Байинь шаҳрида 10 та зўравонлик ишлатилган қотиллик содир этилган. Ўлдирилганларнинг энг кичиги 8 ёшда бўлган. Бу воқеалар шаҳар аҳолисини ваҳимага солган. Шундан кейин жамоат хавфсизлиги вазирлиги бу ишни ўз назоратига олган.
