АҚШнинг Кентукки штатидаги Лексингтон шаҳар полицияси ширин кулчалар ортилган юк машинасининг ёниб кетганидан жуда ҳам хафа бўлишди, деб ёзди Лента ру. нашри.
Хабар берилишича, 31 декабрь куни ширин кулчалар ортилган юк машинасининг ҳайдовчиси шаҳар ичидан ўтаётганда машина тагидан олов чиқаётганлигини кўрган. Ҳодиса оқибатида ҳеч ким жабрланмаган.
Орадан бироз вақт ўтгач, штат полициясининг Facebook аккаунтига ғамгин қиёфада ёнган автомобиль фонидаги полициячиларнинг суратлари жойлаштирилган. Бир сутка давомида мазкур суратларни 60 мингдан ортиқ ижтимоий тармоқлар фойдаланувчилари томоша қилган.
Буни кўрган қандолатчилар Лексингтонга қўшимча равишда ширин кулчалар юборишган. АҚШда бундай кулчаларни асосан полиция ходимлари истеъмол қилади, деган тушунча кенг тарқалган.
