Украина президенти Пётр Порошенко Россиянинг жисмоний ва юридик шахсларига қарши қўшимча санкцияларни киритиш ҳақидаги қарорни тасдиқлади, дея хабар берди ТАСС нашри.
Бу ҳақда Украина миллий хавфсизлик ва мудофаа кенгашининг мажлисида эълон қилинган. Бу санкциялар Керчь бўғозидаги воқеа билан боғланган. Санкциялар Украинага қарши тажовузкор ҳаракатларни қўллаб-қувватлаган ёки кўмак берган Россия компаниялари, бизнесменлар, сиёсатчилар ва депутатларга нисбатан қўлланилади.
