Россиянинг Челябинск шаҳри аҳолиси мураккаб экологик вазиятдан шикоят қилиб, турли намойишлар ўтказишмоқда, дея хабар қилмоқда РИА новости нашри.
Одамлар металлургия корхоналари ишлаб чиқаришни кенгайтираётгани, бунинг натижасида эса зарарли чиқиндилар кўпайиб бораётганидан норози. Улар ҳавонинг заҳарланаётгани кўплаб касалликларни келтириб чиқараётганини таъкидлашмоқда. Шаҳар ҳокими эса фуқароларни Челябинскда ҳаво сифати ёмон эмаслигига ишонтиришга уринмоқда.
