Хорватиянинг Воднянь шаҳрида жойлашган “Кажун” деб номланадиган кичик бино ЮНЕСКОнинг ноодатий маданий мероси рўйхатига киритилди, дея маълум қилди Вести нашри.
У фақатгина ғиштдан қурилган бўлиб, ғиштлар бир-бирига қуруқ ётқизилгани билан ўзига хосдир. Мутахассисларнинг сўзларига кўра, қиздирилган ғиштни ёпиштириш қадимги цивилизация кашфиётидир. Уни шу кунга қадар бус-бутун сақланиб келинаётгани эса ҳайратланарлидир. Аввал бу жойдан уй сифатида, кейинчалик эса даладаги чўпонларга вақтинчалик бошпана сифатида фойдаланилган.
