Пойтахтнинг Туризм бренди сифатида Тошкент шаҳри ёзуви ҳамда манзараси акс этган логотипи қабул қилинди.
Бу ҳақда Тошкент шаҳар ҳокимлигида туризмни янада ривожлантириш, туризм брендини яратиш ва тарғиб қилиш масалаларига бағишланган бошқарма раҳбарлари иштирокида ўтказилган йиғилишда маълум қилинди.
Тошкент шаҳар ҳокимлиги матбуот хизматининг хабарига кўра, янги туризм бренди хорижий ва маҳаллий туризм кўргазмаларида, савдо ярмаркаларида, ташкил этиладиган турли тадбирларда, Тошкент шаҳри ва маданий объектларига йўналтирувчи йўл хариталарида, гайдбукларда, реклама банерлар ва билбордларида, шаҳарнинг туризм салоҳиятини тарғиб қилувчи видео-роликлар ва кўрсатувларда, туризм объектларида ва унинг атрофида жойлашган савдо расталарида сотилаётган сувенир-совға, кийим-бошлар, миллий маҳсулотларда акс эттирилади.
