Ўзбекистон Мудофаа вазирлиги тасарруфидаги олий ҳарбий таълим муассасаларининг курсантлари ҳамда ҳарбий хизматчиларидан таркиб топган «Шарқ юлдузи» терма жамоаси Москвада бўлиб ўтган «Мудофаа вазирининг КВН кубоги» халқаро фестивалида иштирок этиб, 2-ўринни эгаллади, деб хабар қилди Мудофаа вазирлиги матбуот хизмати.
Ҳарбий КВН ўйинидаги ғолибликни Вольск шаҳридан бўлган «Маҳфий қурол» аёллар жамоаси қўлга киритди.
Иккинчи ўринга уч жамоа — Ўзбекистон Мудофаа вазирлигининг «Шарқ юлдузи» терма жамоаси, Краснодарнинг «Топ секрет» ҳамда Пензанинг «Пензалик артилериячилар» жамоаси муносиб деб топилди.
Учинчи ўринга Дальневосток олий умумқўшин қўмондонлик билим юртининг (Россия Федерацияси) «Осторожно! ДВОКУ» жамоаси қўлга киритди.
Умумкий ҳисобда КВН финалида сакккизта жамоа иштирок этди. Ғолибларга совринни Россия Федерацияси мудофаа вазири, армия генерали Сергей Шойгу топширди.
2 декабрь куни Ислом Каримов номидаги Тошкент халқаро аэропортида фахрли ўринни қўлга киритган ҳамюртларимиз тантанали равишда кутиб олинди. Ҳарбий оркестр садолари остида йиғилганлар Ўзбекистон шарафини муносиб ҳимоя қилган Мудофаа вазирлиги терма жамосини қутладилар.
Эслатиб ўтамиз, “Шарқ юлдузи” терма жамоаси 2017 йилда Москвада ўтказилган «Ҳамдўстлик КВН» ўйинларида биринчи марта иштирок этиб, 3-ўринни қўлга киритган эди. Ўшанда биринчи ва иккинчи ўринлар мезбон давлат жамоаларига насиб этган.
Ўзбекистон Мудофаа вазирлиги терма жамоаси 2018 йилда Қуролли Кучлар куч тузилмалари ўртасида ўтказилган мусобақада биринчи ўринни қўлга киритган. Ўзбекистон КВН Олий лигасининг бу йилги финалига йўлланма олган.
