Испанияда поезд ҳалокатга учради

Испаниянинг Таррас шаҳри яқинида йўловчи ташувчи поезд ҳалокатга учради, деб хабар берди ТАСС нашри.

Поезднинг бир неча вагони темирйўл рельсидан чиқиб кетган. Унда жами 130 нафар йўловчи бўлиб, ҳодиса натижасида 1 киши ҳаётдан кўз юмди. Бундан ташқари, яна 41 киши турли даражада жароҳат олган. Воқеа жойида тез ёрдам, ўт ўчирувчилар ва полиция иш олиб бормоқда.