Халқаро полиция маълумотларига кўра, Жанубий Кореялик Ким Чен-Ян Интерполнинг янги президенти этиб сайланди.
Чен-Ян шу йилнинг сентябрь ойида ғойиб бўлган ва кейинроқ Хитойда ҳибсга олинганлиги маълум қилинган собиқ Интерпол президенти Мен Хунвейнинг ўрнида вақтинчалик президент вазифасини ўтаб келаётган эди. Бугун Дубайда бўлиб ўтган конгрессда Ким Чен-Ян икки йил муддатга Интерпол президенти этиб сайланди.
«Бугун бизнинг дунёмизда мисли кўрилмаган ўзгаришлар содир бўлмоқда, унда жамоат хавфсизлиги ва тинчлигини сақлашда катта қийинчиликларга дуч келинаётгани сир эмас. Биз бу муаммоларни бартараф этишимиз шарт», деган Ким Чен-Ян Интерполнинг Бош ассамблеясида.
57 ёшли Ким Чен-Ян 20 йил давомида Жанубий Корея полициясида фаолият юритган ва 2015 йили нафақага чиққан.
