Канаданинг Галифакс Станфилд аэропортига учиб келган Boeing 747-400 SkyLease юк самолёти қўниш вақтида учиш-қўниш йўлагидан ташқарига чиқиб кетди, дея хабар қилмоқда Lenta.ru нашри.
АҚШдан Хитойга учаётган самолёт юк олиш учун Галифаксда қўниб ўтиши керак эди. Самолёт муваффақиятсиз қўниш сабабли учиш-қўниш йўлагидан 50 метрча ташқарига чиқиб кетган ва ост қисми билан тўхтаган. Оқибатда самолёт экипажининг 5 аъзоси турли даражада жароҳат олиб, яқин атрофдаги шифохонага етказилган. Воқеадан кейин аэропорт рейслари бекор қилинган.
