Францияда ҳукуматнинг ёқилғи учун солиқни ошириш режаси туфайли аҳоли ўртасида норозиликлар кучайиб бормоқда, деб хабар берди Ren.tv нашри.
Ҳозирга қадар ёқилғи нархини камайтириш талаб қилинган петицияга 800 мингдан ортиқ одам имзо чеккан. Мамлакат президенти Эммануэль Макроннинг таъкидлашича, нархнинг тўртдан учи дунё бозорларидаги нархларнинг ўзгариши билан боғлиқ. Атроф-муҳитни ифлосланишига олиб келадиган барча нарсаларга катта миқдорда солиқ солиш дизел ёқилғисининг кўтарилишини оқлайди. Шунингдек, Макрон ушбу масалага кейинчалик бирор чора кўришга ҳам ваъда берди.
