Индонезиянинг Палу шаҳрида 7,7 магнитудали зилзиладан сўнг шаҳарга цунами ёпирилди, деб хабар берди РИА новости нашри.
Манбанинг хабар беришича зилзила ва цунами оқибатида жума куни Индонезиянинг Сулавеси оролида 48 киши қурбон бўлди, 356 нафардан ортиқ одамлар жабрланди. Ҳукумат фақатгина Палу шаҳридаги қурбон бўлганлар ва жабрланганларнинг ҳисоб-китобини олишга улгурган. Табиий офат оқибатида ҳалок бўлган ва яраланганларнинг сони бундан ҳам ортиқ бўлиши мумкин.
