Indoneziyaning Palu shahrida 7,7 magnitudali zilziladan so`ng shaharga sunami yopirildi, deb xabar berdi RIA novosti nashri.
Manbaning xabar berishicha zilzila va sunami oqibatida juma kuni Indoneziyaning Sulavesi orolida 48 kishi qurbon bo`ldi, 356 nafardan ortiq odamlar jabrlandi. Hukumat faqatgina Palu shahridagi qurbon bo`lganlar va jabrlanganlarning hisob-kitobini olishga ulgurgan. Tabiiy ofat oqibatida halok bo`lgan va yaralanganlarning soni bundan ham ortiq bo`lishi mumkin.
