Италияда саккизинчи қаватдан бошига мушук тушиб кетган эркак, жониворнинг эгасини судга берди, деб хабар берди lenta.ru нашри.
Воқеа Турин шаҳрида рўй берган. 56 ёшли эркак бозорга кетаётганда кўп қаватли уйнинг саккизинчи қаватидан оғирлиги 6 килограммга яқин бўлган мушук унинг бошига тушиб, бўйни ва умуртқасига жиддий жароҳат етказган.
Жонивор воқеа жойида ҳалок бўлган, жабрланган эркак эса касалхонага ётқизилган. Шундан кейин эркак мушукнинг эгаси бўлган аёлни судга берган. Аёл ҳайвон устидан назоратни сусайтирганликда, эҳтиётсизлик туфайли соғликка зарар етказганликда айбланган ва жаримага тортилган.
